Hadien wa poor iwi i Video ha Facebook wa yoh kem ya uwi u bru wa suba wa tooh masi ha chnong Khyndewso uwa da khana wa i pyrtuid u toh u Abiding Sariang wei i chnong tre u toh na Shilliangmyntang wei da wan u cha kani ka chnong deilang wa ar ngut kiwi kiwa kyntup ya uwi wa tip kam u Rin uwa chongkha ha Ummat wei chwa ini da sah u la ar miet ha Ummat.
Da khana u leh wa uni u Rin toh uwa na Tuber Shohshrieh wei uwa yah kari won toh u Tellme Pyrtuh uwa na Namdong-B wei kini ki toh kiwa da thmu wow lai tooh masi wei da pynhiar ki oo neidaw wym nood u wow leh yeini i kaam.
Ya uni u bru da kem wei da kset da ka chnong hadooh wa kylla step wei da pynchitom ya oo deiwa pynchong pynyieñ wei deiwa phah leh wow kynthih khroh.
Hawa takit chooh chooh ya u Abiding deiwa kylli ya oo lada jooh tynyap bru u, da ong u wym jooh em, tangwa u Rin toh uwa jooh tynyap bru wei da tip u leh wa tynyap u ya kawi ka kynthai kawa dang emyatoh hi wa u Rin.
Da kylli leh ya u Abiding wa la katwon sien wan u cha Khyndweso heiwa da phla u wa ki khynnah Barato kiwa jooh wan tooh phñiang na ki Truck wa pynyieñ cha sarok tangwa oo hi dang ha ka miet chwa toh i sien wa nyngkong poi u cha Khyndewso.
Heiyatoh wa ini, neiliang u L. Bang, waheh chnong ka Tuber Shohshrieh da kyntait u wa ym-em kam utæ u bru uwa pyrtuid u Rin ha ka chnong katkam wa da khana u Abiding wei ini toh du wow pynbdood naam ya ka chnong.
Discussion about this post