Ka sorkar Manipur da phah khang Internet biang ko hadooh ka 1 tarik u Naichiphaw, 2023 du hadien 3 sngi wa wai biang hadien wa jan dap 5 bnai i khang.
Ya kani ka hukum wow khang Internet biang da pynmih ynnin i miet hadien wa chah tynyap ki ar ngut ki khynnah heiwa i dur wa thiah yap ki da poor i ha ki Social Media ha kylleiñ ka jylla Manipur.
Mar ya jia ini da mih biang i kulmar hadien wa tooid ki paidbah dei miet cha luti syngkieñ yow pyrchah yeini i chah tynyap kini ki khynnah heiwa ki pulit da hap ki wow siat da ki Tear Gas wa ki Smoke Bomb yow tympra ya ki paidbah.
U Montri Rangbah ka Manipur, u N Biren Singh da kular u ya ki paidbah wa ka sorkar jylla kamjooh ka sorkar pyrdi u kreh chitom ki yow kem smat ya kini kiwa emkti wei da wan leh ki bru ka CBI ha Imphal pyn ynne ka sngi yow pynman yei takit.
Kini kiwa chah tynyap toh kawa dang 17 snem kawa tip kam ka Hijam Linthoinganbi wei u chynrang won toh uwa 20 snem uwa tip kam u Phijam Hemanjit kiwa na Imphal West.
I dur wa da pynpoor toh iwa pynyoo wa pynchong ya ki ha iwi i thaw wei da em ki ar ngut ki bru kiwa em hadien ki kiwa yoo kam ki dkhot ki seiñ kieñ suloi wei iwi won i dur wa da mih toh iwa da thah yap kini ki arngut wei da sap ki ya ki jooh ki sula ha waroh ar tylli ki dur.
Kini ki ar ngut toh kiwa da wiar nadooh ka 06-07-23 wei iwa khaddooh wa yoo ya ki thoh lyngba ka CCTV wa lai ki cheiliang Nambol wa em ha Bishnupur District da ki Cycle.
Yei metyap kini ki arngut hadooh kattæ ym pu em chem wei neiliang kiwa ha-yung ha-sem da kyrpaad ki ya ki Kuki wow sñiawbha wow pynuiñ yei metyap ki.
Iwa piah nood na i dur wa da poor toh wa da chon heipor chwa wow chah tynyap ki iwi won hadien wa chah tynyap ki wei da suba yeini da leh deiwa siat wei ym tip leh nadooh ynnu wa chon ya kini ki dur.
Discussion about this post