Ki wakreh kiwa man ki tre chnong tre jylla ha JUD Cement Ltd, Wahiajer-Narpuh Elaka, East Jaiñtia Hills, ynnin ka sngi da khang khyrdep ki ya kani ka karkhana pynmih khyndaw-bilat neidaw wym su tulop ko nadooh wa sdang uni u snem 2020.
Kini ki wakreh wa em 100 tam da dawa ki wow su chwa tang 3 bnai ka tulop wei lym kamtæ u pteiñ yei khang ya kani ka karkhana.
Ha ini i khang ya kani ka karkhana da wan wow pynbait pynyasuk da u OC yong ka Lumshnong PS kamjooh leh ki Magistrate yong ka East Jaiñtia Hills tangwa ym em man kaam ko hadooh wa lai ki leh wym ye u pynbait yei su yaka tulop yong ki wakreh kani ka karkhana.
Kamtæ ki wakreh da rai kut ki wa katwa ym pu ye ka Company u su katkam wa dawa ki wakreh, kani ka karkhana u man ko kawa khang bait deiwa bood leh ya ki aiñ ki kyndon yong ka Health Department wow yajngai uwi na kawi.
I pyntip na u Secretary ka JUD Local Employee Committee u D. Passah.
Discussion about this post