Jowai: Ynne ka sngi ki pulit ka Jowai Police Station hapoh i yahkhmat ka DSP S. Mukherjee, u B. Marak IBI Infiltraition Branch Jowai deilang wa kiwa yahkhmat ki seiñbhalang wa kynthup ya u Roaming Lamare, General Secretary Hynniewtrep Youth Council (HYC), u Pilarstone Phawa, Joint Secretary ka Jaiñtia Student Movement (JSM), da pynman ki yaka khynra yaki kot ki sla yong ki baar jylla wa chong dukan haki bynta ka sor Jowai wa kynthup yaka Iawmusiang kam ki Trading Licence, Labour Licence wa kiwi de ki kot pynsakhiat.
Ha kani ka khynra ya kitu ki dukan wa chem wa ym biang ki kot ki sla da phah khang khyrdep noh yaki wei da maham wym toh de u wai hadooh wa da pynbiang yaki kot ki sla wa emkaam, kamjooh leh ya ki wakreh kiwa toh ki baar jylla.
Kani ka khynra man ko leh chibynta wow khanglaad ya i wan psiah pyrchah aiñ ki baar jylla khamtam hawa yatoh waka NRC yow pyntikna wa ki nong Assam ki wym em pyrtuid haka NRC ym poi ki chapoh ka jylla.
Heiyatoh wa ini, neiliang kiwa yahkhmat ki seiñbhalang da ong ki wa kam kani ka khynra daw pteiñ ko na ki por cha ka por khnang wow sonteri yei wan psiah ki baar jylla hapoh ka District wa ka jylla hi waroh kawi.
Discussion about this post