Jowai: Ka Hynniewtrep Youth Council (HYC) South West Khasi Hills, ka HYC South Lyngngam Circle waka HYC Ranikor Circle deilang wa ki wa kreh ka chnat Enforcement yong ka KHADC ha ka 10 wa 11 tarik uni u bnai da hiar ki cha Nongjri, Nongumsur wa Nonghyllam South West Khasi Hills, ki chnong kiwa em ha jan khappood ka India wa Bangladesh yow khynra Trading Licence wa Labour Licence ha kini ki thaaiñ ya ki dukan ki baar jylla.
Ha ini i khynra ka HYC deilang wa ki Enforcement da chem wa 90% kiwa chong dukan toh kiwa ym em ki kot ki sla wow pynsakhiat neiwon wan ki wei kiyi wa e bor ya ki wow wai dukan, kamtæ neiliang ka HYC wa ki Enforcement da khang khyrdep ki ya kini ki dukan.
Ka HYC ka sñiawphylla ko wow sñiaw na kini ki baar jylla wa ym tip ki chaphang ka Trading Licence wa Labour Licence tangwa nood bait ki wow wan khlem salia.
Ka HYC da ong ko wa daw booddien wei wow sylli kammon yoh suk ki baar jylla wow psiah cha kani ka thaw wei da kyntu leh ya kiwa yahkhmat ya ki chnong deilang wa ki paidbah yong ki dong ka thaaiñ wow paitbniah ya i psiah ki baar jylla ha kani ka thaaiñ iwa man iwi na i ma ya ka pateiñ wow wan.
Da khang ya 17 tylli ki dukan wa ym biang ya ki kot ki sla.
Discussion about this post