Jowai : Ka yungmane yong ka balang Church of God (Meghalaya & Assam) kawa da wai nadooh ka 15 tarik u Wisu (March) 2015 ha ka 22 tarik u November 2015 da chah khang tala ko.
Kani ka yungmane em ko ha ka dong Yaplachait ha i thaw wa de e snaiwbha da u ma Klorness Talang uwa na Mustem cha ka Balang u Blei Sohmynting wa pyllai wei chna ya kani ka yungmane.
Ha ka chnong Iongnoh em dang du chibei chi khon wa man ki dkhot kani ka balang.
Hei yoh kiwa thoh khubor u yachem wa u Waheh Chnong kamjooh ki tre dong da ong ki wa da khang ya katai ka yungmane hadien wa ym ye u Waheh Chong warim u ma Thom Joh u pynche wa kammon yoh NOC u chna ya katai ka Yungmane.
Da kynnoh ki tre chnong wa ha kiwa boon ki dorbar chnong wa dang dep pynman, u ma Joh ong u wa ym em e NOC u chna ya katai ka yungmane tangwa ha ka dorbar wa khaddooh da sai u ya ka NOC wa da dep e bor u chna ya ka yungmane kamjooh ya ka skur leh nadooh ka 25 Naichiphaw 2010.
Ka chnong leh da kynnoh ki wa u ma Joh da e NOC khlem khut yalang chnong chwa, kamjooh da kynnoh ki wa ka Balang u Blei da leh sop sop ki yow yoh ki ya ka NOC.
Ha kani ka chnong katni da em ka balang Presbyterian, balang Katholic wa ki wa bood Ñiamtre. Em leh ki tre chnong da pyrchah ki ya ini i em kani ka balang neidaw wa sniaw ki wa ym toh iwa bha lada em boontylli ki niam hapoh ka chnong.
U Waheh Chnong wa katni u ma Mar Shylla jooh man u kam u Secretary chnong heipor u wa man Waheh Chnong u ma Joh wei oo leh em hi u heipor wai ya katai ka yungmane. Tangwa katni ong u heipor wa man Secretary u ym jooh em yoh kot u na ka Balang U Blei kiwa paanbor u chna ya katai ka yungmane.
Ki tre chnong da kdaw kti ki wa da bakla ki arngut ki Waheh Chnong u wa rim wa uwa thymme wa ym em biang krehkaam ki nadooh kitu ki snem wa da lai tæ mih waroh ini i kulmar.
Neiliang ka chnong ong ki wa daw pyrchang ki u wanrah smat yei suk hapoh kini ki sngi wow wan.
Discussion about this post