Jowai : Jooh mih ki kyntien wa ong “chna aiñ kiwa chna, tyngkeiñ leh pyn daki wa chna hi” yeini da jooh yoh u sakhi ha kylleiñ ki chnong ki sor wa ki ri.
Kam wow pynkynmoo heini u Deputy Commissioner yong ka West Jaintia Hills, u Arunkumar Kembhavi ha ka 17 Naichiphaw 2015 da pyntip u wa waroh ki surok PWD soodong yong ka Thomas Jones Synod College, Jowai wa ka surok wow lai cha Dr Norman Tunnel Hospital (michon hospital) neini chaphrang da mana wym hoi de u pynyieñ kari næ u man ko ka ‘No Parking Zone’. Wei da maham leh ya kiwa leh pyrchah yeini u pynchitom ki katkam ki aiñ yong ka Motor Vehicles Act 1988.
Ynne ka sngi da yoh u sakhi ya kawi ka kari sorkar wa em yow number ML 01 8015 kawa da yieñ khlemakor ha ini i thaw No Parking.
Ki pulit ka Traffic Cell ka Jowai Police Station dei mynsien wa khia wow pynchitom salonsar ya kiwa tyngkeiñ aiñ da pyndait khnap (clamp) ki ya kani ka kari.
Hadien kattu katni por da yoh yutip won wa da pyllait noh ya kani ka kari.
Discussion about this post