Jowai : Iwi i dukan wa em ha Seiñraij Complex, Jowai mar pyrchah wa ka ophis u DC ha chiteiñ synñiaw ka 30 tarik u Naichiphaw da chah tooh i heiwa da khyndang kiwa tooh ya ka Shutter yong kani ka dukan.
Ini i dukan toh i yong ka kong G. Nikhla iwa dai ja, dai cha hei sngi wei da pynemkaam u ma L. Shylla ki hei miet kam i kudam yow booh ya ki that wa dai u pyn ha khmat ini i dukan.
Katkam ka FIR da ong wa kiwa tooh da yoh ki u rah ya ki sula wa boon wa chongdor hadooh T. 65,000.
Da suba wa kiwa tooh toh kiwa da tip bhah thij pa thij wa ya ki that toh da booh hapoh kani ka dukan.
Discussion about this post