Jowai : Kawi ka dukan dai re-charge card wa ki tiar cosmetics wa em harood sarok Iawmusiang da chah khyndang ko na ka dwar dien heiwa kiwa tooh da yoh ki u psiah chapoh kani ka dukan.
I dien kani ka dukan yong u ma S. Pariat em i ha Iawmusiang heiwa da chah khyndang ka shutter na khlieh wei da pynchah da ka pyrthap yow lait u psiah chapoh kani ka dukan.
Hei pait yei rukom wai ya ka shutter da suba wa u chnaim du ki khynnah khian donhi u psiah. Ha rood kani ka dukan da ieh ya uwi u nar rod wa ki tiar yong ka khlieh ka shutter wa u spring shutter.
Katkam i ong ki tre dukan, ya ka poisa ym jooh ieh hapoh dukan kamjooh leh ya ki re-charge card da rah bait cha yung.
Hadooh wa pynmih ya kani ka khubor ki tre dukan ong ki wa ym em chah tooh næ chah tympra iyi iyi leh hapoh dukan.
Harood chrooh ini i dukan leh sa kawi ka dukan kiwatooh da pyrchang u khyndang ya ka shutter tangwa ym em ye ki u khloh ka.
Ki pulit da wan ki u takit yeini i chah khyndang kani ka dukan.
Discussion about this post