Jowai : Hei step ynne ka 22 tarik heipor kamwa 2-3 waje katkam i yutip wa yoh na ki pulit da ong wa em ki damok da khyndang ki ya 4 tylli ki dukan wa em ha Laad Stadium kamjooh i wi i dukan wa em ha Iaw Thymme.
Soo tylli kini dukan toh kiwa em ha rood ka Bliss Complex iwi i dukan toh wa dai doh masi heiwa na kani ka dukan da sai ya ki wait ah doh wei na ka wi ka dukan dai dakha wa i doh syiar da yoh ki u tooh T. 700 wei na ini i dukan leh da sai ya ka wait ah doh.
Pyn hajan kini ki dukan da khyndang leh ya i dukan dai kchu dai siang tangwa ha ini i dukan ym em yoh ki u psiah chapoh.
Da yoh ki leh u tooh na i wi i dukan dai sapria wa em hei thaw psiah cha ka Bliss Complex heiwa da tooh ki ya ki sabon, ki baam wa kiwi.
Ya ki wait wa sai ki na i dukan dai dakha wa i dukan dai doh masi da chem ya ki ha jan ini i dukan.
U tre dukan dai doh masi da ong u wa yoosar pynemkaam ki da ka wait u yow khyndang ya kini ki dukan heiwa i khmut ka wait u da kheiñ i.
Na iwi i dukan wa chna mobile won wa em ha Iaw Thymme da yoh ki u tooh ya ki Memory Card wa ki mobile wa em napoh ini i dukan.
Hei yatoh wa ini ki pulit dang takit ki wei ympu em u yoh u kem ya uwon uwon leh.
Discussion about this post