Uwi u bru da chah khyrrup u ha u khla Leopard hadien wa tia u wei phon u deilang wa kiwi wa emlang wa oo ya uni u khla uwa da kdong wei kynthiar hajrong uni u bru uwa da phet da yut mar ya oo wa sdang kdong uni u khla oo.
Ini da jia i ha ka 20 tarik uni u bnai ha South Forest Division Range ka Madhaya Pradesh ha thaaiñ Shahdol.
Kini ki bru wa riñ Video yeini wa jia toh kiwa lai baamdoh ha ini i thaw harood ka wah Shahdol wei hadien wa yoo ki ya uni u Leopard ha rood khloo da sdang ki wow riñ Video wei da sdang ki wow phon wei da khut ki leh wow wan u chajan heiwa uwi na ki da lai tia u chajan uni u khla wei heini i por da mih kdong syndet u khla ya uni u bru wei da yoh u wow khyrrup oo deiwa kynthiar ha tympha u wei da chah khloh u na ryngkhi wei i bynta i khlieh u.
Uni uwa mynsoo toh u Nitin Samdariya uwa man kam u ASI hapoh ka Shahdol Police.
Tangwa da embhah u wa uni u khla da yut u mar ya khyrrup u ya uni u bru deiwa kbai wei kyriaw ki bru.
Neiliang u Sub-Divisional Forest Officer ka Shahdol da ong u wa dadep wow pyntip cha ki bru wym toh u tia ki chajan ini i khloo neibhah dang dep wow jia kam ini i jooh.
Discussion about this post