Chah knieh ka Camera wa ka Phone ki ar ngut kiwa pathai khubor ha kiwa kreh ka Hotel Aashiyana

Shillong: Katkam ka yutip wa yoh na ki pulit da pyntip wa ha ka 9 tarik heipor kamwa 9:30 i miet da em arngut kiwa pathai khubor (Reporter) ka IBN u Prasenjit Das wa u Abhijeet Das da chah maham wei da chah tooh ka wi ka Camera waka Mobile Phone na ki ha kiwa kreh ka Hotel Aashiyana kawa em ha Quinton Road, Shillong.

Ini da jia i hadien wa kini ki arngut kiwa pathai khubor da pyrchang ki wow riñ tooh wa suba wa ha kani ka Hotel em ki kynthai dakait wei hadien wa tip kiwa kreh kani ka Hotel yeiwa thmu kini ki ar ngut da mih i awri awra wei ki kynthai wa suba toh ki dakait da yoh ki u yut na kani ka Hotel.

Hei yatoh wa ini ki pulit da kem ki ya u Umesh Das, u Sujit Hajong, u Debesh Sangma wa u Pratibra Mazumdar wei da yoh leh ya ka Mobile Phone wa ka Camera wa chah knieh na kini ki arngut.