U Actor wa pawnaam ka Bollywood, u Rajpal Yadav uwa pynrkhai ya kiwa boon ha ki Film wa embynta u, katni da chah kset u ha Tihar Jail ka nongbah Delhi wei ini toh hadien wa phah ka Court wow pyndem u heiyatoh wa ka Cheque-Bounce Case.
U Rajpal hadien wa pyndem u da ong u kammon u leh u kattu, ym em poisa de u wei sah u samen kam ha ini i por wot ki lok leh ym em de u, deiwa pynrap ieh u yakhun u samen.
Ha u 2010, u Yadav da chim ram u Rs. 5 klur na ka Company wa em ha Delhi wa tip kam ka Murali Projects Pvt. Ltd. neibynta ka Film wa Direct u, ka Ata Pata Laapata. Kani ka Film ym em u hoi yaaw ko wei ini da pynchitom i ya oo wow su pyndep ya ka ram.
U Yadav chirup wa ka kurim u da e ki leh ya ki Cheque kiwa da Bounce (khlem poisa ha Account), wei hadien ini ka Company da ujor noh ko ha Court.
Ka ram man ko Rs. 5 klur tangwa wa ka sut wa kiwi da kynjoh ko cha ka Rs. 9 klur heiwa u Yadav da su u kajiak chisien tangwa da boon ware ka poisa hadooh wymye de u ka wow su.
Ha u February 4 tarik u 2026, ka Delhi High Court da kyntait ko wow e por ya u Rajpal, kamtæ ha ka 5 tarik da wan pyndem noh u wei da kset ya oo ha Tihar Jail.
Discussion about this post