Jowai : Ynnin ka 11 tarik heipor kamwa 6 waje i miet ha madan Jrisalein na liang MeECL arngut ki bru wa da heh da pyrchang ki kdoh yei kti u khynnah wa dang 12 snem wei da choh da bom wei da rooid ki yei khmat, kti wa u kpoh u da i tiar wa nep.
Katkam da khana ka bei uni u khynnah da ong wa dang wan yung u na dukan wei ha chwa u hiar u cha madan da lai jung u. Heini i por da khut ki arngut ki bru oo. Hadien wa ym bien u u lai da wan kini ki arngut wei da khujai ki oo hadooh wa da oor u cha madan.
Hadien ini da ksoh ki wei da taan ki ya oo chajan ka gallery wa em ha madan wei da pyrchang u kdoh yei kti u.
Uni u khynnah da yaleh u ksaid yow lait na kini ki arngut. Heini i por da chah rooid u na kti na ngap wei na kpoh u da i tiar wa nep.
Embhah uni u khynnah da lait u na kti kini ki arngut hadien wa ka jacket u da lait ko heipor wa chah ksoh u. Kamtæ da phet u cha yung wei kini ki arngut da beh ki oo tangwa uwi na ki da oor u ha u dooid wa em hadien kani ka gallery.
Da maham ki ya uni u khynnah heipor wa yut u deiwa ong wa daw thooh ki oo na yung u.
Da ong leh wa kini ki arngut klam ki dei sur palat chnong.
Heijooh i por hadooh wa e ya kani ka khubor kiwa ha yung uni u khynnah ym pu em u pyntip ki cha ki bor pulit.
Discussion about this post