Chah ksohbor ar ngut ki khynnah kynthai ha ki ar tylli ki chnong

Jowai : Yoosar ki kaam chah ksohbor chah lehbeiñ ki kynthai khamtam ha Ri-Loom Jaiñtia dang joor ki kat dang lai ki por ki sngi.

Ha kani ka kynti leh da chah ksohbor arngut ki khynnah kiwa hapoh 10 snem i rta ha ki ar tylli ki chnong hapoh West Jaintia Hills.

Ha ka 9 tarik heipor kamwa 5:30 i janmiet, uwi u bru uwa da tip kam u K. Kyndait da ksohbor u ya kawi ka khynnah kawa dang 4 snem i rta ha ka chnong Kremmyrsiang West Jaintia Hills.

Ha ka 11 tarik won heipor kamwa 12 waje chiteiñ sngi, uwi u bru uwa da tip kam u Gentlyness Paslein da ksohbor u ya kawi ka khynnah kawa dang 7 snem i rta ha ka chnong Mootyrchiah West Jaintia Hills. Ki pulit da kem ki ya uni u bru.