Chah ksohbor ka khynnah ha u khynroo pyn ha yungwai wa sah ko

Jowai : Kani man ka khubor ka wow e nongmuna ya kiwi ki khynnah kiwa chongwai wow lai skur yow man ki kiwa husiar.

Kawi ka khynnah kawa dang 16 snem i rta kawa chong class X ha iwi i skur ha Nartiang da chah ksohbor ko ha uwi u bru uwa da tip kam u Ialam Talang uwa 24 snem i rta na ka chnong Nartiang.

Hei yaklam wa kani ka Lucy (da pynkylla wei da murieh yei pyrtuid yong kani ka khynnah) kawa lai skur ha Nartiang kawa na palat chnong da khana ko wa hadien liwan ko cha i yungwai wa sah ko, neidaw wa ngiah ware ko da thiah ko.

I yungwai wa sah ka Lucy em ka dwar wa bi wa iwi tawan i yung wei kani ka dwar toh kawa dakhang bait wei da ban ya ka da ka miej. Ha i step synyaw yong ka 5 tarik heipor kamwa 2 waje uni u Ialam da tympiah u ya u tala yong itæ i yung wa yabi wa ini i yung wa sah ka Lucy.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hadien wa da psiah u chapoh ini i yung i wym em bru neibhah kawa sah heitæ liwan chnong ko wei manda yoo u wym em bru da yoo u ya ka dwar wa khang wei da thymmoi u ka wei hadien ini kani ka dwar da lait ko.

Ka Lucy dei khyrngiat da pyrchang pynche ko ya ka Torchlight yong ka phone ko wei mar yoo u Ialam yeini da tymmoh u ki i ktien yong ka yow lait ko u kbai wei da maham u wa lada kbai ko daw tynyap u ka.

Hadien ini u Ialam da khana u ka wa kawa chongwai hajan ko man ko ka bru kawa dakaid wei da khana u ya ka wa uwi na ki lok ko leh toh uwa da em bru.

Ka Lucy manda phah liwan ko ya u Ialam, oo won ym em u liwan u wei da phah tba u ya ka yei kti u iwa em kha ah heiwa da ong u wa ini i kha toh iwa pam ka wait oo (yow pyntieñ u ya ka).

Hadien ini u Ialam da ksohbor u ka ka Lucy wei manda liwan u da yoh ko u pynche ya ka Torchlight ka mobile phone ko wei da yoh ko u ba hei khmat u heiwa yoh ko u yoo yei dur u.

Ka Lucy dei khyrngiat wei u yoo ya u bru u wym tipmit ko wei mar heitæ da pyrchang ko u phone cha ki tre-yung, wei da pyntip ko cha kiwa hayung yong ka yow pyntip yeiwa jia.

U tre yung da wan u wei dang step da lai pait ki ya utæ u bru u wym tipmit ko wei manda poi kiwa hayung ko da sdang ki u thooh ya utæ u bru. Manda batai ko cha ki tre chnong yei rukom man u da yah ki ka cha i thaw wa suba ki wa em u.

Ya uni u bru da chem hajan iwi i madan ha Nartiang hi wei da kem ya u Ialam wei da pynsakhiat wa toh oo nei dak chah pam wait wa em ha kti u wei da yah ya oo cha thanat ka Nartiang PIC kiwa da phah won ya ki u wan ki cha Jowai.

Neiliang u Ialam da kyntait u yeini wei kiwa hayung ka Lucy da ong ki wa ki bei ki pa u Ialam da kwah ki u yasuk heijooh i por da kam ki wa u Ialam toh u wym biang i bor pyrkhat u.

Ya u Ialam da kem da ki pulit wei da pynngat hapoh ka kyndon aiñ Section 506 ka IPC wa ka Section 4 POCSO.