Chah ktah boon ki bru hadien wa chlai ka wah Kupli

Jowai: I joor u slap ha kini ki ar sngi ha kylleiñ kawi ka jylla da pynchlai ko ya ka wah Kupli kamjooh ki wah khian wa em cha jan yong ka.

I bor chlai ka wah Kupli da tymmoh ko ya ki dukan nadooh ki dukan dai baam kiwa em harood kani ka wah wa kiwi kiwi wei da em leh kawi ka kari Bolero 4×4 (Double Cabin) kawa dang thymme kawa em ya u number AS-16 AC-O250 wa ar tylli ki thuk thuk ki wym pu em number.

Ha ini i chlai um kamwa 4 tylli ki dukan kiwa dai cha wa kiwa dai baam kam u khoo, ki jhoor wa kiwi kiwi ki baam da chah tymmoh ki ha ka um.

Ka kari wa chah ktah toh kawa jooh pynyieñ ha ini i thaw heiwa u tre toh uwa khih mooyong wei da haap pynemkaam u da ka lieñ yow poi cha chilliang um yow pait kreh u wa em ha Assam Quarry.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Katkam wa pyntip uwa kiñ lieñ uwa naka chnong Iooksi da ong u wa da chlai kani ka wah ha ka miet ka sngi chohthat heipor chiteiñ synyaw.

Da ong u leh wa ka um da poi ko chadooh i thaw wa jooh pynyeiñ kari kamai kam ki Alto 800 wa ki Sumo tangwa embhah heipor wa chlai ka um ym em kari wei lada jia ini heipor sngi da boon ki kari kamai kiwa chah tymmoh um hadooh wa ye ki u chah kit ha ka um.