Ampati: U slap wa joor bha nadooh ynnin ka 21 tarik uwa pteiñ hadooh i step ynne ka 22 tarik da wanrah u yei chlai um wa joor bha ha South West Garo Hills.
Ini i chlai um da tymmoh ko ya ki lyngkha, ki yung ki bru wei da ktah ko leh ya ki sarok wa ki nan dakha ki bru.
Boon na ki thaw wa chah ktah toh kiwa em hapoh ka Zikzak C&RD Block kam ka chnong Silkona, Nandirchar, Beparipara, Hridaypur, Daspara, Patelipara wa New Kalaichar.
Ha Silkona ki paidbah da haap ki u rieh slap ha i yung skur hadien wa boon ki yung ki da chlai um ki.
Hadooh wa pynmih ya kani ka khubor ym em wa mynsoo namo kiwa yap na ini i chlai um wei neiliang u Mukul Sangma da phah u ya ki bor district wow yarap ki ya waroh kiwa chah ktah.
Discussion about this post