U phria wa u slap wa joor deilang waka la-ær wa da wan syndet ynne i sngi heipor kamwa 1:00 waje da ktah i ya kiwa boon ki chnong khamtam ha West Jaiñtia Hills heiwa da lieh ki thaw ki bhaw, ki luti syngkieñ wa ki kpær.
Da chah ktah leh i pynkhreh yaseiñ Synod da ka Balang Presbyterian Nangbah heiwa da haap ki bynta ka Pandal wa da pynkhreh tangwa neiliang ka Balang da pyntip ko wa ka Synod u lai bait hi ko.
Ki chnong wa da haap phrai toh ha Maitdien, Iongkwang, Kynshur, Mooshrut kiwa da tip tikna.
Iwa da pynkhuslai ya kiwa chong chnong toh wa ha kiwa boon kini ki thaw wa haap phria toh kiwa man kam ki thaw wa rep wa riang ki bru.
