Chah ktah ki paidbah ka thaiñ ha waroh ki liang wa sih ware u sarok Mukroh : HNYF

Jowai : Ka seiñ Hynniewtrep National Youth Front (HNYF) West Jaiñtia Zone da pynsñiaw ko yei chem chitom ki bru ka chnong Mukroh du neidaw wa sih ware u sarok wa poi cha kani ka chnong.

Ka chnong Mukroh toh kawi na ki chong wa rim dooh hapoh ka district wei kawa em ha khappood waka jylla Assam.

Kamtæ neiliang ka seiñ da kyrpad joor ko ya kiwa toh u pait ya kani ka sarok kam ya ka tnat PWD, MLA wa ya u montri wa toh u pait ya ka tnat PWD u ma Sniawbhalang Dhar yow kyruiñ ki ya ki khmat yong ki cha uni u sarok uwa man kam u budloom ka khayi pateiñ, i kjut i chitom, khamtam ha ini i por liyur i sih uni u sarok man i cha wa palat.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya uni u surok da chna nyngkong heipor man u Dr H.Lamin kam u MLA ha u snem (1980-81). Ya uni u sarok kattu da ieh kamni da palat 30 snem khlem chna thymme chna pynmiat ya ka hadien wa ka chong kamjooh ka seiñ da dep li yachem ki wa ki bor sorkar nei por chei por tangwa ym em wa bien u ap yei ood yong ki paidbah

Kamtæ ka seiñ da kyrpad ko ya u MLA ka 4-Mookaiaw u ma Robinus Syngkon uwa man leh uwa mihkhmat yong kani ka thaiñ wa ya u montri wa pait ya ka tnat PWD u ma Sniawbhalang Dhar yow pait lang ki ya uni u sarok khnang yow pynsuk ya ki paidbah kiwa em cha kani ka thain hei lai hei wan khamtam hei por wa kjut wa chitom u lai chim dawai cha ki chnong wa jngai, pynkut ka khubor na u H. Sumer Secretary HNYF- WJZ.