Jowai: Ynne i sngi u slap wa ka la-ær wa joor da ktah ki ya kiwa boon tylli ki yung ha kylleiñ ka West Jaiñtia Hills wei iwa rap joor toh haka thaaiñ Ummulong nadooh na Khliehtyrchi chadooh cha Madur.
Ha chnong Madur ka la-ær da khyndang ko ya kiwa boon tylli ki tnoom yung yong ki bru ka chnong.
Kiwa chah kthah kynthup ki ya ka Sbunki Dkhar, Eda Laloo, Khmuh Muruh, Lakhi Dkhar, Roi Hasem, Ru Ryngkhlem, Mill Hasem, Phai Rymbai, Dwil Gatphoh, Tei Gatphoh wa kiwi kiwi.
Kani ka la-ær da ktah ko leh chibhah ya ka yungmane ka Balang Catholic, Ummulong wei da tympat ko boon ki dieñ kiwa haap ha ki sainar bordiñ, ha u Transformer wei da em kiwa haap ha ki luti syngkeiñ kari hadooh u sarok bah NH-44 ha Khliehtyrchi.
I dooh bordiñ da ktah ko leh ya kiwa boon ki chnong chadooh ka Jowai kawa da dooh bordiñ boon kynta nadooh i janmiet.
Hadooh wa pynmih ya kani ka khubor ym em iwon iwon wa jia iwa mynsoo.
Discussion about this post