Jowai : Ynne ka sngi hei por 1 waje duna ki wa kreh ka Voluntary Health Association of Meghalaya (VHAM) Drop in Center wa em ha Wahnangbah, Jowai da yoh khubor ki na ki bru wa em wa tympiah ya u tylla ka ophis ki.
Hei yoh u yaklam wa ki wa kreh ka VHAM da ong ki wa ka almari wa booh ya ki kot ki sla, ka poisa kamjooh ya ki dawai yong ki bru wa pait ki leh da pyrchang ki u tympiah ka hadooh wa kheiñ u handle tangwa ym em ye ki u wai ya ka.
Ka kong N. Pakma Program Manager ka VHAM da khana ko wa ynnin ka sngi hadien wa dep pynkhooid ophis ki da pyntip ki cha waroh ki bru wa chah sumar wa daw khang ophis chiteiñ sngi. Wei da e dawai cha waroh kamjooh ya ki dose wow dih ki ha ka sngi wa bood.
Ynnin ka sngi heipor 4 waje i janmiet ka kong Pakma da yoh phone ko na uwi u bru wa chah sumar ka VHAM u wa pyrtuid u Riang Rymbai u wa pynkhor ka kamjooh wa chrai u wa smat ki u khang ophis khlem yoh dawai u.
Hei por phone u ong ka kong Pakma nei rukom klam u toh da muaid u. Wei em u ha lait ka dwar ophis ka VHAM.
Da suba ko leh wa toh oo hi u wa leh yeini i kaam wei ymtoh ini i sein nyngkong wa da dep pynawri u hapoh ka VHAM. Wei da dep e ujor FIR ya oo neiliang ka ophis. Tangwa da withdraw ya ka hadien wa dep paanmaap u.
Da khana leh uni hi u jooh u bru wa dep datbru u ya uwa wan booh bru wa kjut ha Civil Hospital Ialong.
Ha khmat ka ophis ka VHAM da chem leh ya ar tylli ki moo wa uwi u nar rod.
Ki pulit da wan ki ha ini i thaw wa i takit da lai i cha khmat.
Discussion about this post