Katkam wa pyntip u Chief Electoral Officer ka Meghalaya, ynne da pyndep yei sylli ya ki kot ki sla namo ka Scrutiny yong waroh ki kyrtong ha ki 12 tylli District wa 60 tylli ki Constituency ka jylla.
Hadien wa pyndep ya ka Scrutiny yong 379 ngut kiwa da thap pyrtuid, da chem wa 375 ngut ki kyrtong toh kiwa biang ki kot ki sla iwa mut kattu da em 339 ngut ki kyrtong chynrang wa 36 ngut ki kynthai.
4 ngut ki kyrtong (3 ngut ki chynrang wa kawi ka kynthai) da chem toh kiwa da pynyieñ kam ki kyrtong wa tip kam ki Dummy Candidate namo kiwa pynyieñ hi-eh na West wa East Jaiñtia Hills.
Kini toh 3 ngut na East Jaiñtia Hills kiwa kynthup ya u Hambertus Nongtdu (NPP) na 5-Sutnga-Siapung Constituency, u Stonely Shylla (UDP) na 6-Khliehriat Constituency waka Violet Lyngdoh (NPP) na 6-Khliehriat Constituency.
Na West Jaiñtia Hills won toh u Ailad Bhoi (NPP) na 2-Jowai Constituency.
Ini da mut i wa ha West Jaiñtia Hills na ki 5 tylli ki Constituency da em 26 ngut ki kyrtong katwa ha East Jaiñtia Hillls da em 10 ngut ki kyrtong na ki 2 tylli ki Constituency wa kynthup ya ka 2 ngut ki kynthai.
