Chah kyntait 9 ngut kiwa pass ya ka exam DSC neidaw wa bood kot tooh ki

Jowai : I pyrchang ki bor ka DSC yow pynman ya ka exam neibynta ki kyrdan Soil and Water Conservation Department Demonstrator (Jr I) kawa khooid wa da pynman ha kini ki kajak bnai wa da dep da mih biang i leh tooh kiwa thoh exam. Neiliang ki bor ka DSC hapoh i yahkhmat u DC ka WJH uwa man leh kam u Chairman ka DSC da pynchitom u ya kiwa bood tooh heipor ka Written Exam wa dang dep.

Hanlada dep u leh yeini da yoh ya ka ujor na ki paidbah ha Facebook account yong u DC wa kynnoh wa kiwa chah jied u yaleh ya ka Personal Interview neibynta kini ki post toh kiwa yajan bha ki Roll Number ki heiwa da phah biang ya ki Answer Script (yong kiwa pass) yow sylli biang ya ki.

Hadien wa sylli ya ki Answer Script deiwa booh ya ki chirup da chem wa ki Answer Script yong kini ki Roll Number wa yajan ya sariem bha ki, kamki Roll No. 84 wa u 86, Roll No. 165 wa ya 166, Roll No. 257 wa u 258, Roll No. 262, u 263 wa 264.

Kamtæ hadien wa chem yeini da chah pyndam (disqualified) kiwa yakhun ya kani ka exam kiwa em u Roll Nos. 84, 86, 165, 166, 257, 258, 262, 263 wa u 264.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Chairman ka DSC da kular u wow pynchitom ya kini ki 9 ngut kiwa leh thok.

Heijooh i por da phah leh ya ka Show Cause Notice cha kiwa yang exam ha ki kamra – Room No. 4, 10 wa 11 neibhah na kini ki kamra mih kini ki Roll No wa thooh i jooh i jooh.

Daw pyntip biang ya kiwa ye u yakhun ya ka Personal Interview wei ya kani u leh hapoh 2 tayaw.

Also Read : Chah beh 13 ngut kiwa leh tooh ha ka exam kyrdan Demonstrator