Jowai: “Kyntait khlem yurim u Principal ka Kiang Nangbah Government College, Jowai wow pdiang ya ka hok thooh yutip wa tip kam ka RTI” da ong uwi na kiwa paan yutip u Justice Paul Lyngdoh uwa jooh man leh u kam u General Secretary warim yong ka Kiang Nangbah Govt College Students Union (KNGCSU).
Ya kani ka RTI da booh u ynne ka 14 ha u Principal yong kani ka College hei yatoh wa i thung kreh kulmar kawa man pyrchah ya ka aiñ ya khamtam ya kiwa kreh kaam hapoh ka Office yong kani ka College tangwa neiliang u Principal da kyntait u wow pdiang ya ka.
U Lyngdoh da ong u wa u Principal kani ka thaw puræ man u u sahep namo u Public Information Offcer (PIO) wei ini i chah kyntait kani ka RTI uni u khynroo da pyndiaw mynsien ko ya oo wei da beiñ joor u ya i leh uni u Principal.
Da pyntip u leh wa katni ha kani ka thaw puræ u Principal toh u O.U. Lyngdoh.
“Ka RTI Act 2005 kdaw che ko wa katkam ka kyndon Section 5 yong kani ka aiñ ym ye wow kyntait hi-eh ya ka RTI Application wa da ekti lait noh na ki daw kiwa da kdaw ha ka Section 8 yong kani ka aiñ” da ong chooh chooh uni u khynroo.
Discussion about this post