Chah kyntait ki kot u kyrtong Vice President ka ri hadien wa soi tooh u yei pyrtuid ki 22 ngut ki MP

I kaam thok da mih i hei thap pyrtuid wow yakhun ya i kyrdan Vice President ka ri heiwa da chem wa uwi u kyrtong na Kerala da soi tooh u yei pyrtuid ki 22 ngut ki MP na Lok Sabha wa Rajya Sabha khlem tip ki wei da chah kyntait noh kini ki kot thap pyrtuid u.

Uni u kyrtong toh u Joemon Joseph heiwa ki Nomination Paper u em i pyrtuid wa soi da ki 22 ngut kam ki Proposer wa 22 ngut ki Seconder heiwa kini ki MP kynthup ki ya u Raghav Chadha, Sanjay Singh, Harsimrat Kaur Badal, Swati Maliwal, Asaduddin Owaisi, Sasmit Patra hadooh u MP ka YSRCP, u Mithun Reddy uwa em hapoh patok kattæ. 

Kini ki kot da chah kyntait ki hadien wa kini ki MP ymtip ki iyi iyi leh hajrong ini i kaam wei yeini da phah cha ka Rajya Sabha Secretariat yow leh ki yeiwa emkaam hajrong ini i leh thok.

Ini da mih pyrthai i heipor ka Scrutiny ya ki kot ki sla hadien wa kut ka sngi thap pyrtuid ha ka 21 tarik uni u bnai.

Na waroh ki 68 tylli ki Nomination Paper wa da e da ki 46 ngut ki kyrtong, 28 tylli ki kot yong ki 19 kyrtong da chah kyntait ki.

Related posts

Pynbna ka seiñ na Assam da ka Total Non-Cooperation hadien wa da sdang i pynthut yei lai ki kari Tourist

September 16, 2025

U e u Wailadmiki ya ka tulop wa nyngkong kam u Montri sorkar cha ki thaw ri khonswet

September 16, 2025

Kiwa sah sa 40 tylli ki Nomination Paper yong ki 27 ngut ki kyrtong da sylli ya ki ha ka 22 tarik uni u bnai heiwa da em du ar ngut ki kyrtong, u CP Radhakrishnan wa u B Sudershan Reddy toh kiwa biang.

Ka Election Vice-President u man ko hapyrdi u Judge warim ka Supreme Court, u Sudershan Reddy wa kyrchaan da ka INDIA Bloc wa u kyrtong ka NDA, u CP Radhakrishnan.

I thap Vote u man i ha ka 9 tarik u Naikhynde wei ya ka Result leh daw pynbna pyn ha i janmiet kani ka sngi.

Ka chuki u Vice President da man ko kawa thylli hadien wa u Jagdeep Dhankhar da hiar chuki u ha ka 21 tarik u Naiynñiaw neidaw i chait i khiah.