Chah kyrriah kreh u SC Laloo cha Ampati neidaw wym leh u yeiwa phah u montri: HM Shangpliang

Shillong: Ka party Congress ynne ka sngi da pynbaad ko wa uwi u montri ka sorkar jylla wa yahkhmat da u Conrad Sangma da maham u ya u sahep sorkar u wym ngait u leh katkam wa phah uni u montri wei uni u sahep da chah kyrriah kreh noh u.

Hawa pynbaad ya ka sorkar jylla wa slah kyrriah kreh ko ya ki sahep wa ki heh pulit, uwa ektien ka MPCC, u HM Shangpliang da e nongmuna u ya u Additional Deputy Commissioner ka WJH, u SC Laloo uwa da chah kyrriah kreh du neidaw wymbien u wow leh yeiwa phah uwi u montri ya oo (Laloo), tangwa da kyntait u wow khoh pyrtuid ya uni u montri.

U Shangpliang da pynbaad u wa u Laloo da chah mai chah tim u ha ki payu uni u montri wei uni u montri leh da maham u oo (Laloo) neidaw wym bien u wow leh yeiwa phah uni u montri wei hadien ini da kyrriah kreh noh ya oo na Jowai cha Ampati.

Neiliang uwa yahkhmat ka liang pyrchah, u Dr. Mukul Sangma da thoh u cha ka sorkar heiyatoh wa i chah kyrriah kreh ki sahep sorkar.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

U Shangpliang da ong u wa sñiaw phylla u toh wa kani ka sorkar ym maap de ko wot ya kiwa kreh kam ki Peon, Gram Sevak, kiwa sikai, wa kiwi da kyrriah khiar ya ki du neidaw i kaam politics, hadooh wa da em chiboon ki IAS kiwa yut napoh ka jylla ha kini ki 6 bnai wa da dep.