Chah leh pynsih ki Signboard ka chnong Mynthong kiwa da pynyieñ ha kiwa boon ki thaw

Ki 4 tylli ki Signboard ka chnong Mynthong, Jowai wa kynthup ya ar tylli ha Stand War wa ar tylli ha Riatsasim hajan ka Bypass da chah leh pynsih ki ha ki bru wym ye u tipmit kiwa da siat rong yow tympleh ya ki dak wa da thoh ha kini ki Signboard najrong wa thoh ki leh yei kyntien khlem akor, wei da antaad wa ini da jia i ynnin i miet ka 22 tarik.

Kini ki 4 tylli ki Signboard kynthup ya ar tylli ha Stand War, iwa thoh Welcome to Shnong Mynthong, wa iwi wa thoh No Parking haka laad wow lai cha Quarter u DC ka West Jaiñtia Hills.

Neitæ ki ar tylli won kiwa em ha Riatsasim hajan ka sarok Bypass iwi wa thoh Welcome to Shnong Mynthong hi wa kawi won ka Signboard “Jingmana” wa da thoh wow khang pyrchah yei noh jhep ha kani ka thaw.

Heiyatoh wa ini neiliang ka Dorbar Chnong Mynthong da beiñ joor ko ya kiwa emkti, deiwa ong leh, kopsar kini ki bru wa leh yeini i kaam toh ki wym em de i pyrkhat yong bru ha ki, wei yoosar dap sa du i tngit hei thij i pyrkhat yong ki. 

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Heijooh i por ong ki wa i thmu hi kini ki bru toh yow ktah yei burom ka chnong ka thaw khamtam ha kam kani ka por wa em ka Meghalaya Games ha Jowai, West Jaiñtia Hills.

Ka dorbar chnong lyngba ka FIR wa da booh ko ha Jowai Police Station ynne ka sngi, da kyrpaad joor ko ya ki bor ka aiñ wow thooh wei pynchitom ya kiwa emkti.

Neitæ da kyrpaad ko leh ya kiwon kiwon wa yoo næ tip ya ki bru wa leh yeini i kaam wow sñiawbha ki u pyntip cha u waheh chnong ka Mynthong, heiwa daw murieh yei pyrtuid kiwa khana.