Chah lute i yung wa i Office u heh spah ka Jorabat ha kiwa rah tiar yasiat

Ki bru wa rah tiar yasiat da psiah yabor ki cha ka yung deilang ka Office uwi u heh spah wa em ha 13 Mile, Jorabat, Assam ha ka 24 tarik wei da yoh ki wow tooh wow lute ya ka poisa deilang i ksiar wa chongdor da ki lak tangka.

Katkam wa ong ki pulit, ki bru wa em kamwa 10 ngut kiwa da tymmoh yei dur khmat da psiah nyngkong ki ha ka Office uni u heh spah wa tip kam u Deepak Hazarika uwa khih deiwa chna moo block heiwa kini ki damok da pynyang Pistol ki ya u Office Manager wa ya u Security Guard heiwa da dat ki ki leh wei da kdoh ki yei kti wei ktien ki wei da phah wai ya ka thaw booh poisa.

Hadien ini kini ki bru da lai ki cha yung u Hazarika iwa em pyn hadien i Office u heiwa da thombor ki ya kiwa ha-yung u wei da sdang ki wow kynreh yei yung i sem wei da yoh ki wow tooh yei ksiar wa kiwi ki mar wa kordor chwa wow yut ki na ini i thaw.

Related posts

Khlaad noh u Ma Moris Bareh

November 3, 2025

Kynthiar ka khynnah skur wa dang 9 snem na ka mala wa soo ka sur hadooh wa yap | Chah pynbaad ka skur wa murieh ki yei sabut

November 2, 2025

Neiliang ki pulit ka Jorabat deilang ka Sonapur da lai ki cha ini i thaw tangwa ym pu em yoh ki u kem ya kiwon kiwon wei ya ka Case da Register ha Sonapur Police Station.