Chah lute ka Call Centre wa thok bru wa pynlai da ka China ha Pakistan

Kawi ka Call Centre wa pynlai da ki bru na China ha nongbah Islamabad, Pakistam da chah lute ko hadien wa chah kynreh ko ha ki bor pulit neidaw wa man ko ka Call Centre kawa thok wa chukor ya ki bru.

Katkam i Video wa da poor bha, da yoo ya ki bru wa rah ya ki Laptop, Desktop, Keyboard, Monitor wa kiwi ki tiar ki tar na kani ka Call Centre ya kawa da chah kynreh ha ki pulit ka Federal Investigation Agency (FIA). 

ADVERTISEMENT

Kani ka Call Centre toh kawa em ha Sector F-11 wei ini da jia i ha ka 15 tarik uni u bnai.

Related posts

Khana ka Hima Sutnga Youth Federation hakhmat ka Fact-Finding Committee yeiwa jia heipor wa pynman ya ka Public Hearing ka Shree Cement

October 16, 2026

Dadep yoh bor na ki dorbar chnong chwa wow sdang yei kreh ya ka Ropeway Project ha Shillong

October 16, 2026

Ha ini i kynreh da em 24 ngut kiwa chah kem wa kynthup ya kiwa na kiwi ki ri wei da thung kreh ya ki heini wow thok ya ki bru na ki ri waphær waphær.

Nyngkong ini da mut wow leh ka FIA deiwa khlem em wa tip tangwa hadien wa poor ka khubor wa jia ini, ki paidbah da wan ki cha kani ka thaw yow sai ya kat iwa ye ki u chim wei kini ki mar man ki leh kam ki sabut ki sakhi wow pynyoo wa kani ka Call Centre leh ko ya ki kaam thok.