Jowai : katkam ka khubor wa da yoh nabki bor pulit da pyntip da yoh ujor ki na uwi u Kerdalang Passah.
Ha kani ka ujor da ong wa ha ka miet yong ka 20 tarik heipor kamwa 8:30 i miet u Kerdalang Passah, uwa man leh kam u Manager, ha 7 Mile Weigh Bridge, West Jaiñtia Hills da ong wa uwi u Her Kyndait chirup wa ki lok yong oo da lute ki na kawi ka Truck.
Ha ini i lute na kani ka truck wa em ya u number AS-01R-2702 kawa da yah da u Upen Jamatia pyn ha kani ka Weigh Bridge wei da knieh ki ya ki challan mooyong na uni u wayah ya kani ka truck.
Ki bor pulit dang takit ki yeini waroh yow chemtre yeiwa sakhiat.
Discussion about this post