Jowai: Ha ka 12 tarik uni u bnai heipor kamwa 3:30 i sngi da em ki damok wa rah da ka wait ki wa wan da ka Maruti Alto-800, wei da yang khap ki ya kawi ka truck AS-01FC-6523 kawa yah da u Syed Uddin ha Wahmynso, NH-44 (WJH) wei da lute ki na oo T. 45,000.
Ha kani ka jooh ka sngi 11:00 waje i sngi heipor wa lai sylli ya ki thaw tih mooyong ha Moolamanoh, EJH, ki pulit da kem ki ya u Jagadish Das (22 snem) heipor wa tih mooyong u katwa kiwi kiwa mylla won da yut ki na ini i thaw.
Ha ka jooh ka sngi u Dr. B. Syiemlieh, Medical & Health Officer, CHC, Bhoirymbong, Ri-Bhoi da ujor u wa ha i miet yong ka 12 tarik, da em ki damok kiwa sliah ya ka dwar ka Umroi Sub-Centre (hapoh ka CHC, Bhoirymbong) heiwa da khyndang ki ya ka synduk pyllang poisa (Donation Box) wa ka duli (almirah) yong kani ka Sub-Centre.
Pyn ha kani ka jooh ka sngi u P.S. Tynsong, BDO, C&RD Block, Umsning (RB) da ujor u wa haka 19 Kmaichonglad (December) 2016 heipor kamwa 1:00 i sngi da em ki damok kiwa tympiah tympra ya ka Community Hall ha Umru kawa dang chna kawa em ha Block-II.
Discussion about this post