Jowai: Uwi u bru wa tip kam u Constantine Langstang uwa na ka chnong Madankynsaw-Mowkyndeng, West Jaiñtia Hills da ujor u wa chah lute u ha ka 13 tarik ha ki damok ki wym tipmit kiwa da tymmoh khmat wei kiwa rah suloi wa pistol kiwa kam toh ki seiñ keiñ suloi ka jaitbru Karbi.
Ini da jia i heipor 2 waje i sngi hajan ka chnong Saba wa em ha khap u pood ka West Jaiñtia Hills wa ka Karbi Anglong.
Ya ka ujor u Constantine da e u ha u OC ka Nartiang PS ynnin ka 14 tarik.
U Constantine da ong u wa da chah lute u ya ka poisa kawa T.1,30,700 kawa thmu u wow lai thied masi na chnong Umkhyrmi kawa em ha thaaiñ Block I.
Kini ki damok da lute ki wot ya ka Mobile Phone ka jacket, u biri, diñkot wa u kwai na uni u bru.
Discussion about this post