Chah lute wei dat ki damok ya kiwa kreh ha ki kari kit phniang

Jowai : Ki pulit da pyntip ki wa da yoh ki ya ka ujor na u Tarun Ch. Das, uwa man leh u Secretary, Assam Petroleum Mazdoor Union heiwa da ong u wa ha ka 9 tarik ki damok wa wan ha ki le tylli ki kari da dat wei lute ki ya kiwa kreh ha ki kari kit phniang kiwa thmu u lai cha Mizoram wa cha Tripura.

Ini da jia i ha surokbah NH 44 weiwa ki number kini ki kari toh ka ML-04-0744, ka AS-01CC-8279 wa kawi ka Maruti Alto wym tip number.

Ki pulit da register ki ya ka case wei i takit dang lai i chakhmat.