Ka KSU da yoh ko yaka chithi kawa ym pu u ye u pyntikna tangwa kawa kam toh ka yong ka United Bangal Liberation Army (UBLA), ka seiñ kawa yieñ neibynta ki bru Bangal wa ka Banga Bhumi kawa da ong wa ki bru Bangali ha Meghalaya toh kiwa chah lehbeiñ cha pynchitom ha ka Khasi Student Union nadooh u snem 1979 deiwa beiñ leh ya kini ki kaam wa da leh pyrchah ya ki bru Bangali.
Kamtæ da maham ya ka KSU wa ya kiwon kiwon kiwa ktah yei sñiaw ki bru Bangali wa daw maad ki yei su kylliang neini chakhmat i wym ye pyrkhat de wei daw pyntikna leh wa ki 1.4 Million ngut ki Khasi u phah biang ki cha i thaw wa mih ki na Cambodia.
Da ong leh wa ym toh u mylliñ wa ka Meghalaya kamjooh waroh kawi ka North East India man ko kam chibynta ka Banga Bhumi.
Da pynkynmoo leh yei kyrchaan u montri rangbah ka jylla u yei dawa Gorkhaland wa ym ye wow em Gorkhaland ha Bangal lait noh ha Nepal. Da ong leh lada pynchit u ya oo leh daw mang ya oo.
Chooh chooh da ong wa ini toh i pyntip cha waroh ki seiñbhalang ka thaaiñ North East wa cha ka sorkar Bharat toh iwa tyngkheiñ yaka aiñ wow pynkrehkaam yaka Assam Accord kamjooh yaka NRC ha Assam kamjooh wow e yaka NSCN (IM) ka Nagaland ka yong hi ka lama wa i laitlooid. Kamtæ ym chong donhi wow paitke yei chah lehbeiñ ka jaitbru wei u yieñ yow yaleh yow poi cha ka thong Banga Bhumi yong ki long chwa kam u Subhash Chandra Bose wa u Mukti Bahini.
