Ynne ka sngi ha ka Rally wei yalang paidbah wa khut pynman daka seiñ Hynñiewtrep Border Dispute Redressal Forum (HBDRF) ha Jowai hajrong ka yurim wow pynsñiaw cha ka sorkar yei eh i khoo ki bru wa sah ha ki thaiñ khappood Meghalaya-Assam, da sakhi wa da ki spah ngut ki paidbah wa wan chimbynta wa kynthup nadooh kiwa yahkhmat seiñbhalang, ki bru wa bna naam, ki khroo pyrkhat wei khamtam ki paidbah wa boon na ka thaiñ khappood deilang wa kiwa yahkhmat chnong yong ki.
Nyngkong da sdang dei lai Rally na laad Kiang Nangbah College ter ter u sarok deilang i kbai dawa wow pynuiñ biang yaka Block-I wa Block-II na Assam cha Meghalaya, wei ya kani ka Rally da pynkut da ka yalang ha District Library, Mynthong Jowai.
Ha ka yalang ha Auditorium ka District Library, kiwa klam da pynkynmoo ki yei eh i khoo wa ki bru ka thaaiñ khappood maad ki neipor cheipor wei da pachat yumut leh yeiwa emkaam u leh neini chakhmat.
Ha kani ka yalang da mih leh i klam hajrong i em ki bru wa khanglaad wei maham ya ki paidbah wa em cha ka thaaiñ khappood ynne i step heipor wa thmu lai chimbynta ki cha kani ka Rally.
Hajrong ini i chah maham, u Erwin Sutnga hawa e yei klam da kyntu u ya ki paidbah ka thaaiñ khappood ymtoh u tieñ ki tangwa wow lai bait chakhmat ha ka luti i hok wa sakhiat wei oo leh u emlang u chirup wa ki yow pynyoo dei kaam.
Kular haroh u deiwa ong, “Chwa wow lai O na kani ka pyrthai kwah O wow ieh i suk ha phi neibhah lada ym wan i suk, i dur khmat yong ka pateiñ ka jaitbru yong i daw kut noh ko”.
Kamtæ kyntu u ya ki paidbah ka thaaiñ khapoood wow sñiawbha ki u yatylli neibhah yoo wei tip u wa da em i ya psiah Politics wei ka kaam Border leh da kylla Politics ko hadooh kattæ kattæ.
Hawa khut kyntu u ya ka seiñ Hynñiewtrep Border Dispute Redressal Forum kamjooh kiwi won ki seiñ wow mih ki chakhmat neibynta u lai chakhmat hajrong i eh i khoo ki paidbah ha ki thaaiñ khappood, khana u wa ha oo da em lut ki kot ki sla ki sakhi wow pynsakhiat heiyatoh wa ki rai ka sorkar wa nachwa.
Ong haroh u wa da em u ka Map yong ki thaw ki bhaw u wa dadep mynjur namo Certified da ka United Khasi Hills District Council 1950.
Discussion about this post