Hapyrdi wa joor i yakhih pyrchah ya i chah slaitbor wei chah tynyap ka Doctor wa 31 snem ha Kolkata, neiliang ka West Bengal Commission for Protection of Child Rights (WBCPCR) da chimkhia ko yei chah maham slaitbor ka khon wa dang 11 snem u MP ka Trinamool Congress (TMC) uwa man leh u National General Secretary yong ka, u Abhishek Banerjee.
U Banerjee man u leh u pyrsa ka Chief Minister ka West Bengal, ka Mamata Banerjee.
Ka WBCPCR da chimkhia ko yeini hadien wa poor i Video heipor wa man i yakhih pyrchah yeiwa jia ha i miet ka 9 tarik ha RG Kar Medical College and Hospital.
Ha i Video, da sñiaw ya uwi u bru wa maham slaitbor ya ka khon u Abhishek Banerjee wei wow e Rs. 10 klur cha kiwon kiwon kiwa leh ya ini i kaam.
Neiliang ka Commission da beiñ ko ya kam ini i maham neibhah ktah bha i yei chngaaiñ ki khynnah.
Da phah ko leh ya ki pulit wow leh yeiwa emkaam katkam ka Protection of Children from Sexual Offences (POCSO) Act, ka Juvenile Justice Act wa ka UN Convention on the Rights of the Child heiwa da phah leh wow e ya ka bui (Report) heiyatoh wa ini.
Katkam wa man katni ka sorkar West Bengal da chah beiñ bha ko heiyatoh wa i takit ya iwa jia ha i miet ka 9 tarik.
Discussion about this post