Iwi i Video wa da poor bha ha ki Social Media wa pynyoo wa klam chrai u Montri Rangbah ka Assam, u Himanta Biswa Sarma neidaw wa sahkut ki kari iwa da jia ha Gumothagaon ha ki bynta u NH-37 heiwa da phah khut u ya u SP wa u DC yow kylli iyi i daw wa ksoh ya ki kari.
U Himanta hadien wa tip u wa da ksoh ya kini ki kari neibynta yong oo uwa da wan wow booh mooyurim ya u sarok ha ini i thaw.
Manda wan u DC ka Nagaon neiliang u Himanta da mai u oo wa pynsangeh u ya kini ki kari wei da phah pynlait u wut wut wow lai ki kari, deiwa kylli leh na u DC ileh wa wan u syiem mo ini deiwa khang wow leh kamni neini chakhmat.
U Himanta da ong u wa ym em phah pynthut ya ki paidbah du neibynta yong oo heiwa palat 15 minit da sahkut ki kari wa kynthup leh ya ki Ambulance, “Ym pdiang ya kam kani ka VIP Culture ha ka Assam wa katni,” da pynrap u Himanta.
