Ha iwi i Video wa da poor bha kattæ, da yoo ya kiwa na Arunachal Pradesh kiwa da chah klam beiñ ha kawi ka Hospital wa em ha Patna, Bihar heiwa ki paidbah da dawa ki wow pynchitom ya kini ki bru wa leh yeini.
Ini toh iwa da jia ha ka 2 tarik uni u bnai ha Patna Hospital heiwa kini kiwa na Arunachal toh kiwa da wan yow lai chaad wei da sangeh ki ha kani ka Hospital yow pynemkaam ya ka paikhana tangwa da ong ya ki wow pynyoo ki yei ID yong ki.
Kawi ka bru wa kreh ha kani ka Hospital da khanglaad ko ya kini deiwa khut pyrtuid ya ki kam ki “Momo”, “Chinki” wa “Chinese” wei kani ka bru da rkhai ko wei ym em sarom ko iyi iyi leh hawa leh ko yeini wei da ong ko leh wa bang bha ko u baam Momo. Yeini wa jia da yoh wow riñdur ki.
Kawi ka kynthai Arunachal hawa yania wa kani ka bru da ong ko wa ki toh kiwa na North East tangwa manda jia kamni da tieñ wow lai cheiwon cheiwon.
Ki paidbah ka Northeast da dawa ki na ki pulit ka Bihar wa na u Chief Minister ka Arunachal Pradesh, u Pema Khandu wow pynman yei takit.
Uwi u bru uwa na Patna hawa yoo yeini i Video da paan maap u yeini wa jia, sa uwi leh da paan maap u neibynta waroh kawi ka Central wa North India deiwa ong wa phi leh toh ki nong India hi.
Uwi won da ong u wa ki bru na Northeast toh kiwa yada ya ka ri deiwa kreh kam ki chipai, da pynmih ko leh ya kiwa yalehke Sports kiwa wanrah burom ya ka ri, kiwa tem wa put wa bna naam tangwa kattæ leh dang chah kheiñ ki kam ki baar ri.
Discussion about this post