Jowai: Ki kaam saiñ hima kat dang mih ki sngi dang joor i, khamtam heini i por chwa ka Election MLA 2018, wei hadien wa chah pakhot petrol bomb i yung u MLA ka Shillong West u Paul Lyngdoh, ynne won dang step synyaw da em i pakhot petrol bomb ha yung u MDC ka Wahiajer u Hermon Phawa.
Da suba wa ini i chah pakhot petrol bomb da jia i heipor kamwa 2:30 i step, wei da iñ i bynta nadien ka kari ka yong u Phawa, ka Bolero wa em u No. ML 04 A 9002.
Da ong wa em ki lyngkhot bilor hajan kani ka kari iwa pynsuba joor wa toh u petrol bomb.
Ha ini i jia ym em wa mynsoo wei ka yutip da ong wa Phawa em u cha Guwahati heipor wa jia ini.
Hei yaklam wa ki pulit da ong ki wa kani ye ko u man na ki daw kaam saiñ hima tangwa kattæ leh ympu ye ware u pyntikna.
Hei yatoh won wa suba wa toh u petrol bomb, da ong wa ympu ye u ong katni neibhah wa ya ki sabut daw phah pynsakhiat ya ki ha ka Forensic Science Laboratory (FSL) Meghalaya wei ya kani ka kari leh da rah ki pulit ka yow ye u leh yeiwa emkaam.
Neiliang u Wyrta daw pyntip chooh chooh i cha phi hei yatoh wa ini.
Discussion about this post