Jowai : Katkam ka yutip wada yoh da ong wa uwi uwa rep syiñ da chah tynyap u ha ki damok kiwa em kattu katni ngut haka 23 tarik uni u bnai heipor 2 waje i sngi.
Ya kini ki damok da tip kam u Ioanis Kyndait, Lianell Saithwai chirup wa ki lok yong ki.
Da ong wa uni uwa chah tynyap da tip kam u Kylla Rupon u kurim yongka Helen Saithwai na ka chnong Myngor ka chnong wa em cha liang Saitsama.
Ha ka ujor da ong wa heipor wadang rep syiñ u ma Kylla heithaaw wa tip kam ka Loom Hali Lanak kini ki damok da tynyap ki ya oo deiwa pam ya oo da ka wait na radang tangwa chwa wow yap u da khana u yeini ha ki bru wa wan yarap ya oo ya kiwa emkti heini.
Katwa ya ka Post Mortem da leh ha Jowai Civil Hospital, Ialong wei neiliang ki pulit da kem ki ya u Ioanis Kyndait wei da yah ya oo cha ka yung bichaar ynne ka sngi heiwa da hukum yow kset ya oo hapoh ka Judicial Custody.
Discussion about this post