Chah pynbaad ka Civil Hospital Shillong wa ieh ko ya kiwa thiah kjut khlem wa pait wa sumaar

Uwa chong chnong ka Shillong, u Barry Leslie Kharmalki da pynbaad u ya ka Civil Hospital, Shillong wym em e ko yei sumaar wa biang ya ka khynnah wa 17 snem i rta wei da ieh ka khlem da em wa pait wei pynbiang yeiwa emkaam hanla chitom joor bha ko.

Kani ka khynnah toh kawa na chnong Sohryngkham kawa puræ Class XI wei da chitom syndet ko ha ka 24 tarik uni u bnai deiwa kjut khlieh wei prai heipor wa em ko hapoh ka Hostel heiwa ka skur da phah ko ya ka bei u pa ko wow wan ki smat ki.

Nyngkong da kit ya ka cha Ganesh Das Hospital heiwa da yoh ko yei sumaar tangwa neidaw wym em ka kor MRI, da phah ya ka wow lai ko cha Civil Hospital, Shillong ha ka 25 tarik.

Hadien wa leh ya ka MRI wei da yoh ya ka Report ha ka 26 tarik, tangwa katkam wa ong ka bei u pa ka khynnah ym em Doctor wa wan chakhmat yow baitai yeiwa chem na ka MRI heiwa i chitom ko leh nang joor i khlem da em kiwa wan pait ka.

Related posts

Ye u man wa em kiwa kwah u chim kabu yow pynthut yei chongsuk, ki paidbah ymtoh u tieñ ki: SP

January 28, 2026

Mih ka Poster wa maham ka ISIS-K ya ki Garo deiwa phah ya ki wow yut chnong

January 28, 2026

Da pyntip leh wa ha waroh chi sngi ka 26 tarik ym em ki Doctor wa wan pait ka hanla em hi ki tangwa du ha ka 27 tarik da yoh ko yei sumaar.

Ka bei kani ka khynnah da ong ko wa da em kawi ka bru leh kawa thiah kjut kawa na Mairang ka wym em yoh sumaar la ar tayaaw wei da pait ya ka da ka khon ko kawa dang 15 snem wei da em leh kawi ka kynthai kawa na Laitkor kawa em ha kani ka jooh ka thaw ki wym em yoh yei sumaar iwa pynyoo wa ini i jooh toh iwa jia dei langær.