Jowai: Hadien wa mih ka khubor wa ong wa da jied wow pynskem ya u Lawyerson War kam u President wa pura ka JSU, neiliang u Publicity Secretary ka seiñ da pyntip u wa kani ka khubor man ko kawa bakla wei man i i leh embor u Working President ka seiñ u Lawyerson War.
Da ong u leh wa oo kam u Publicity Secretary ymtoh uwa phah ya ka khubor wa ong wa da jied ya u Lawyerson wow man kam u President wa thymme ka seiñ.
Chooh chooh da ong u wa hadien wa ieh kaam u President warim ka seiñ da chim ya ka rai wow pynman da ka General Election iwa man katkam ka yurim krehkaam ka seiñ.
Neiliang u President ka JSU Jowai Circle u Neal Jordan Rymbai da beiñ u yeini i leh embor u Working President ka Central Boday u Lawyerson War deiwa ong wa ini waroh to hi kaam samen u Lawyerson.
Da ong leh wa ka Circle wa ki dkhot hi kwah ki wow pynman bait da ka General Election heiwa uwon uwon u dkhot ye u wow yakhun ya kawon kawon ka kaam.
Discussion about this post