Ki pulit ka Arunachal Pradesh ynne ka sngi da pyndam kreh ko chipor (Suspended) ya uwi u pulit wa tip kam u Nani Talley, uwa man u Head Constable ka 4th IRBn wa riñ-dur (Video) u heipor wa pynjaaw ya u Paras Singh uwa em hapoh patok.
U Paras Singh, da chah kem u hadien wa klam beiñ u ya uwi u MLA ka jylla Arunachal Pradesh deiwa kam u leh wa kani ka jylla em ko hapoh ka ri China.
I Video wa riñ u Talley ya u Paras heipor wa pynjaaw u oo (Paras) da sdang poor i ha ki Social Media nadooh ynnin ka sngi wei da ong wa ya ini i Video da riñ ha Yupia ha i thaw wa dang bichaar ya oo.
Katkam ka hukum wow pynchitom ya u Talley da rai wow pyndam kreh chwa ya oo hadooh u Naiynñiaw wei da phah leh wa ymhoi wow mih u na i thaw wa em u na Headquarter ka Battalion khlem yohbor na u Techi Hanyir uwa man leh u Commandant ka 4th IRBn ka jylla.
