Ka Australian Grand Prix kawa toh u sdang ha Melbourne, Australia nadooh ynne ka 13 tarik hadooh ka 15 tarik da pyndam yaka hadien wa uwi na ki dkhot ka McLaren Racing da yoh u ya u khñiang COVID-19 hadien wa da leh yaki Test wa pynoo u ya ki dak ki chin wa yoh u ya uni u khñiang.
Ya ini da pyntip da ka Formula 1 waka FIA deiwa kyrchaan ka Australian Grand Prix Corporation deiwa ong wa pyrkhat ki yei bha yong waroh kam ha kini ki por wei daw pynuiñ yaka poisa yong kiwa da dep thied Ticket.
Yaka Grand Prix ha China kawa toh u sdang nadooh ka 19 u April da dep kyrriah tarik chwa ka tang ym tikna wa daw pynman biang yaka.
Ha Australia kiwa yoh ya u COVID-19 da em ki palat 150 ngut.
Ha uni u snem ym du kani ka yalehke wa chah pyndam, ki Race ka MotoGP wa toh u pynman yow sdang kani ka samoi 2020 ha Qatar da pyndam yaka pynbood saka Race wa toh u pynman ha Thailand wa ha United States, da kyrriah tarik leh yaka Race wa toh u pynman ha Argentina kiwa man leh ki soo tylli ki Race wa sdang yaka samoi 2020 ka MotoGP.
Ka NBA leh da pynbna ko wa da pyndam chwa yaka samoi yalehke hadien wa uwi na kiwa yalehke ka Utah Jazz da pyntikna wa yoh u ya u COVID-19 chwa wow sdang ka yalehke haka 10 tarik.
Discussion about this post