Ki karkhana wa tip kam ki Ordnance Manufacturing Companies wa em ha kiwa boon ki jylla ka ri India, da pyndam ki ya ki sngi chim chuti kiwa kreh ki yow ye u poi cha ka thong wow pynbiang wow chna kuli wa kiwi ki tiar yaleh thma hadien wa da sdang joor ka kynaad hapyrdi ka India wa Pakistan neiwa jia ha Pahalgam.
Kani ka rai toh hadien wa da chem wa suki bha i kreh wei em boon ki kaam wa sah, kamtæ ki sngi chuti wa kynthup ya ka Earned Leave, Casual Leave wa kiwi de toh kiwa da pyndam chisiendon.
Ka Ordnance Factory Khamaria (OFK) wa em ha Jabualpur District ka Madhya Pradesh da pynbna ko wa da pyndam ya ki sngi chuti wei kani ka karkhana toh kawa em palat 4,000 ngut kiwa kreh wei man ko kam kawi na ki karkhana pynmih tiar yaleh thma wa heh dooh hapoh ka ri. “Ki sngi chuti wa palat ya ar sngi da pyndam ki yow ye u pyndap yeiwa emkaam,” da ong uwa e ktien ka OFK, u Avinash Shankar.
Da ong u leh wa ki kaam wym pu ye u pyndep toh em boon kiwa dang sah wei hap wow pyndap yeini deiwa pyndam ya ki sngi chuti.
Sa kawi ka Ordnance Factory wa em ha Chandrapur District ka Maharashtra, da leh ko yei jooh deiwa phah pyndam ya ki sngi chuti deiwa phah wow wan kreh khlem pep.
Discussion about this post