• About Us
  • Contact Us
  • Privacy Policy
  • Advertise With Us
  • Terms & Conditions
Thursday, May 22, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home News

Chah pyndam kreh ki Home Guards ka Powergrid hadien 15 snem yow thung noh da kiwa na baar

Wyrta Staff by Wyrta Staff
May 1, 2025
Reading Time: 3 mins read
A A
0
Share on FacebookShare on Twitter

Ka Jaiñtia National Council (JNC) ynne ka sngi da lai ko wow tuklar yei chah pyndooh kreh ki 9 ngut ki Home Guards kiwa da kreh la kamwa 10-15 snem hapoh ka yung krehkaam ka Powergrid wa em ha Khliehriat.

Neiliang ka seiñ da lai yachem ko wa u Chief Manager ka Powergrid uwa tip kam u Sanatanu Das wei hawa yaklam wa oo da pyntip u wa i pyndooh kreh ya kini ki Home Guards toh nei yoh hukum na ka sorkar jylla wa ya kitai ki 9 ngut da hap wow pyndam noh neidaw wa daw thung da kiwi kiwa na ki Agency kiwa em hapoh ka sorkar pyrdi.

U President ka JNC, u Sambormi Lyngdoh da beiñ joor u yeini i leh ka sorkar jylla neibhah ini da pynyoo che ko wa ka sorkar jylla ym burom de ko ya ka chnat Civil Defense & Home Guards ka jylla deiwa kylli leh wa lada ka sorkar jylla hi dang chaniah bru ko da kiwa na baar næ kitæ ki Agency wa na baar ka jylla wei lada kamtæ iyi i myntoi wa ka sorkar u booh ko ya kani ka chnat hapoh ka jylla lada dang ye hi ka Agency wa na baar wow leh kamni.

Hawa yaklam wa uni u heh ka Powergrid, da paan por u hadooh ka 5 tarik uni u bnai yow pynbait ya ini i kaam wei ka seiñ da ong ko wa lada ym ye u leh iyi iyi, daw chim da ka laad ka luti wa khor.

Related posts

Da wai ya ka madan Futsal wa nyngkong ka Saipung

May 22, 2025

Tynyap ki paidbah ya u khla Royal Bengal Tiger ha Assam

May 22, 2025

Ka seiñ da ong ko leh wa daw lai yachem ko wa u Montri sorkar wa pait ya ini i kaam wym toh u wanrah bru ki na baar wei wow yoobeiñ ya ki tre chnong neibhah ya kini ki kreh toh u thung da ki bru yong i hi.

ShareTweetSendShare
Previous Post

U pynbna noh ka Kiang Nangbah Govt. Hr. Sec. School yei pyrtuid kiwa chah jied lai Class-XI

Next Post

Da pynmih ya ka Second List ka Govt Girls’ Hr. Sec. School | Dang khut ya kiwa kwah u lai Commerce

Next Post

Da pynmih ya ka Second List ka Govt Girls’ Hr. Sec. School | Dang khut ya kiwa kwah u lai Commerce

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar