Ka Seiñ Dai Jhoor Thadlaskein Namdong Block da pyntip ko wa neidaw wa chem chitom deiwa em ki baar jylla kiwa wan dai jhoor ha yaaw Namdong kiwa da dai hei dor Wholesale iwa da man kamwa ksih dor ya ki neibhah kini ki baar jylla da dai ki hei dor wa duna.
Hajrong ini da pynman ya ka yalang ha pchem ka Dorbar Hall Namdong B deiwa emlang ki dkhot ka Khasi Students Union Namdong Area Unit wei ka seiñ da rai ko wa lada ki baar jylla u nang pteiñ ki wow pyndik ya kiwa chong chnong ka Namdong deiwa leh kamni, ym chah de wow wan chong yaaw ki.
Kawi na kiwa beh yaaw na Namdong cha Umpawiang da pyntip ko wa ki dkhar da pyndik bait ki ki heiwa wot hawa da yoh bor ki na ki waheh ki Karbi wow lai chna trep yow chongdai tangwa ki dkhar won da tympra won ki ki.
Da khana ko wa kini ki dkhar da ong ki wa ini toh i thaw yong ki iwa dadep ki wow siang tangwa wot hadien wa kini kiwa na Namdong da pynyoo ki ya ki kot ki sla wa da pynyoo wa da e bor da ki waheh tangwa manda wan ki Karbi won da ong ki wow dam u wan yaaw ki lada dang dei thooh kajia kamni.
Kiwa beh yaaw na Namdong da ong ki wa i trep leh dadep ki wow chna tangwa da beh ki ki cha rood wei da hap ki wow chong cha rood wei kini ki dkhar da tympra ki ya kini ki trep wa dadep siang dep chna ki.
Kamtæ da ong wa ki wym jooh pynwit ki ya kini ki dkhar manda wan beh yaaw ki cha Namdong.
Discussion about this post