Chah pynkhor ki dkhot ka VPP ha u MDC hawa lai yaklam wa u CEM hajrong ka tulop

Ynne ka sngi kiwa yahkhmat ka Voice of the People Party (VPP) hapoh i yahkhmat u Damewanhi L Rymbai kam u Organising Secretary da lai kyntu ki ya u CEM ka JHADC, u Thombor Shiwat wa toh u pynlait waroh ka tulop wa sahteiñ kiwa kreh neibhah hadien wa da yoh ki yaka bhah poisa naka sorkar jylla da su tulop cha kiwa kreh dang du kamwa chi bnai donhi.

Hei yachem yong ki neiliang u CEM ong u i daw wym ye u su syndon chisien su toh neidaw wa ka Treasury ym pdiang ko kamtæ hap ki u su kajiak chisien.

Kamtæ neiliang ka VPP ong ko wa daw booddien ko yeini cha ka Treasury khnang wa kiwa kreh u yoh lut ki yaka poisa, wei kyntu haroh ki ya u CEM wow yaleh chitom u neibynta u su wot ya ki tulop chakhmat.

Da ong u leh wa u yang hadooh u Naisaphra wei lada ym ye u leh yei kaam daw pynman noh dei yakhih.

Related posts

Chah pynbaad ka Civil Hospital Shillong wa ieh ko ya kiwa thiah kjut khlem wa pait wa sumaar

January 28, 2026

Mih ka Poster wa maham ka ISIS-K ya ki Garo deiwa phah ya ki wow yut chnong

January 28, 2026

U Damewanhi Rymbai hawa klam cha kiwa thoh khubor da pynbaad u ya u MDC ka Sutnga Nongkhlieh, u Richard Singh Lyngdoh hajrong i klam khlem akor wei klam khor u ya kiwa yahkhmat ka VPP katwa dang yaklam e yumut ki wa u CEM heiwa da klam u i kyntien wa khor deiwa ong, “Phi kiyi ki wa kwah phi u ya krehlang hapoh ka Council.”

Hajrong ini u Damewanhi Rymbai da pynrap haroh u deiwa ong, sñiawthooh i wa la toh u paidbah næ kiwon kiwon ki seiñ leh, ka Council emkaam ko yei ya krehlang, neibhah toh ka synchaar paidbah ym i yong samen, tangwa sñiawsih won ki wow em kam kini kiwa mihkhmat neibhah i yaklam toh nei bynta u paidbah ymtoh yei myntoi samen næ yong ka Party.