Ka District Disaster Management Authority, East Khasi Hills District da kynmoo ko ya ka National Disaster Reduction Day ynnin ka 29 tarik ha Central Training Institute, Mawdiangdiang deiwa emlang ka Isawanda Laloo, Deputy Commissioner & Chairperson (DDMA), East khasi Hills District, Shillong, ka H.M.L. Kynta, MCS, Additional Deputy Commissioner & CEO (DDMA), East Khasi Hills District, Shillong, Joint Director Civil Defence & Home Guards, ki sahep ka DDMA, SDMA, District Administration, Police, Civil Defence & Home Guards, Fire & Emergency Services, ki Waheh Chnong wa ki Appda Mitra Volunteers.
Ha kani ka sngi da jied wei da pynkup burom ya 3 ngut kiwa ngam um namo ki Deep Divers wa ya kawi ka Village Disaster Management Committee yei kreh chitom ki wow e yarap cha ki bru wa emkaam yarap hawa pynyoo bor ka bei rymaw.
Kini ki 3 ngut kiwa ngam um kiwa na Khatarshnong Laitkroh C&RD Block waka Village Disaster Management Committee (VDMC) ka Mawsynram C&RD Block da pynyoo ki yei chlur ha kiwa boon ki por wa emkaam yarap ki bru.
Ka VDMC ka Kenmynsaw deilang wa kiwa chong chnong da ye ki wow pynlait im ya ki bru wa chah ban ha ki yung heipor wa oor khyndaw iwa da jia ha ka 17-06-2022, kiwa ngam um won da jied ya ki kam kiwa kordor ki dkhot ka chnong, ka District kamjooh ka jylla waroh kawi heiwa da ye ki wow sai ya kiwa boon ki metyap na ki wah wa em ha ki thaw wa chitom wow poi khamtam ha ki um wa joor bha i bor. Kini kiwa ngam toh u Ridenstar Mawpat uwa na Warbah wa em hapoh ka Khatarshong-Laitkroh C&RD Block, u Tarsan Khonshei na Mawsohmad wa em hapoh ka Khatarshnong-Laitkroh C&RD Block wa u Tyngngait Khongshei uwa naka jooh ka chnong.
Ha kani ka sngi, ka DDMA da saam ko leh ya ki tiar yarap (Emergency Responder Kits) cha 202 ngut ki Aapda Mitra Volunteers kiwa da pyndep yei chah sikai wa da pynman da ka DDMA nadooh u Naisan hadooh u Naikhynde uni u snem deiwa emlang kiwa e sikai kiwa man ki bru ka Civil Defence & Home Guards, Fire & Emergency wa kiwi kiwi de hapoh ka Scheme “Upscaling of Aapda Mitra”.
Ka NDMA deiwa ya krehlang waka SDMA, Meghalaya da pynkrehkaam ki ya kani ka Scheme ha East Khasi Hills yow pynkhreh ya kiwa chong chnong yow tip ki iyi wow leh lada jia wa em iwa jia wa mynsoo wow e yarap. Ki Volunteer kiwa da chah sikai toh kiwa na ki Block wa ki dong ka Shillong wei da e cha ki leh ya ki tiar kam ki Life Jacket, ki Emergency Light, ki sapkti (Safety Gloves), ka tari (Pocket Knife), ka First Aid Kit, ki Gas Lighter, ki Whistle, klong um, ka muna, ka musari, ka T-shirt wa em u chap ka NDMA, ki Gumboots, ki Safety Goggles wa ka Safety Helmet.
Ka DDMA da pynkylla ko leh ya ka Aapda Mitra Handbook cha ka ktien Khasi kawa da saam cha ki Volunteer wei ki Volunteer daw yoh ki leh ya ka Insurance Scheme ka sorkar.
